گوجال، گلمت: سردیوں کی ٹھنڈک کو خوشیوں اور کھیل کے ساتھ گزارنے کا موقع فراہم کرنے والا ونٹر لیوڈ سیزن 7 اپنے دوسرے مرحلے کے اختتام کو پہنچ گیا۔ تین روزہ یہ پروگرام گلمت گوجال میں منعقد ہوا، جہاں کھیلوں، ثقافتی سرگرمیوں، اور کمیونٹی کی شرکت نے اسے یادگار بنا دیا۔
آج فائنل مقابلے:
سیزن کا اختتام آج ہنزہ کے قدیم اور تاریخی گاؤں التت میں منعقد ہونے والے فائنلز کے ساتھ ہوگا، جہاں مختلف کھیلوں کے فائنل مقابلے اور اختتامی تقریب متوقع ہیں۔
کامیاب انعقاد پر مبارکباد:
اس شاندار پروگرام کے کامیاب انعقاد پر منتظمین سکارف، گلمت ینگ سٹار کلب اور گوجال کمیونٹی کو بھرپور مبارکباد دی جا رہی ہے، جن کی محنت نے مقامی نوجوانوں اور عوام کو سردیوں کے دوران ایک صحت مند اور تفریحی ماحول فراہم کیا۔
مزید تفصیلات اور تصاویر التت میں ہونے والی آج کی تقریبات کے بعد دستیاب ہوں گی۔
